Իրադարձություններ

Դեսպան Վարդանյանն իր հավատարմագրերը հանձնեց Վրաստանի նախագահին

20.08.2014

Կից լուսանկարներ

Vardanyan Margvelashvili Meeting

Meeting in the President Residence

 

Ամբողջ ալբոմ »

         

Օգոստոսի 20-ին Թբիլիսիում` Վրաստանի նախագահի նստավայրում, Վրաստանում Հայաստանի Հանրապետության նորանշանակ դեսպան Յուրի Վարդանյանն իր հավատարմագրերը հանձնեց Վրաստանի նախագահ Գիորգի Մարգվելաշվիլիին: 

Հավատարմագրերի հանձնման արարողությանը հաջորդած առանձնազրույցի ընթացքում Վրաստանի նախագահ Գիորգի Մարգվելաշվիլին, շնորհավորելով Յուրի Վարդանյանին` Վրաստանում դիվանագիտական առաքելության մեկնարկի կապակցությամբ, հաջողություն մաղթեց նրան և համոզմունք հայտնեց, որ իր առաքելությամբ դեսպան Վարդանյանը նոր լիցք կհաղորդի երկու երկրների միջև առկա ավանդական բարեկամական հարաբերություններին: 

Շնորհակալություն հայտնելով ընդունելության համար` Հայաստանի դեսպանը վստահեցրեց, որ ջանք չի խնայի երկկողմ հարաբերությունների խորացման եւ ամրապնդման ուղղությամբ: 

Երկուստեք անդրադառնալով հայ-վրացական բազմաոլորտ հարաբերություններին` զրուցակիցները քննարկեցին դրանց հետագա զարգացման հնարավորությունները` այդ համատեքստում կարևորելով բարձր մակարդակով ընթացող դինամիկ քաղաքական երկխոսությունը: 
 

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր