Լուրեր

Դեսպան Սադոյանի հանդիպումը Թբիլիսիի Պետրոս Ադամյանի անվան պետական հայկական թատրոնի անձնակազմի հետ

15.01.2018

Կից լուսանկարներ

Դեսպան Սադոյանի հանդիպումը Թբիլիսիի Պետրոս Ադամյանի անվան պետական հայկական թատրոնի անձնակազմի հետ

Դեսպան Սադոյանի հանդիպումը Թբիլիսիի Պետրոս Ադամյանի անվան պետական հայկական թատրոնի անձնակազմի հետ

Ամբողջ ալբոմ »

Հունվարի 15-ին Վրաստանում ՀՀ դեսպան Ռուբեն Սադոյանը հանդիպում ունեցավ Թբիլիսիի Պետրոս Ադամյանի անվան պետական հայկական դրամատիկական թատրոնի անձնակազմի հետ։

Խոսելով թատրոնի մասին՝ դեսպան Սադոյանը շեշտեց այն կարևոր դերակատարումը, որ թատրոնն ունեցել է հայ իրականության մեջ և ընդգծեց ներկայումս վիրահայ համայնքի կյանքում թատրոնի ունեցած կարևոր նշանակությունը։

Դեսպանը հետաքրքրվեց, թե ինչ փուլում են գտնվում թատրոնի հիմնանորգման աշխատանքները՝ միաժամանակ հույս հայտնելով, որ մոտ ապագայում արտերկրում գործող միակ պետական հայկական թատրոնի դերասանները հնարավորություն կունենան հանդիսատեսին ներկայանալ սեփական, վերանորոգված թատրոնի շենքում։

Թատրոնի գեղարվեստական ղեկավար Արմեն Բայանդուրյանն իր հերթին խոսեց թատրոնի գործունեության, բեմադրվող ներկայացումների, առաջիկայում նախատեված հյուրախաղերի մասին։

Հանդիպման ավարտին դեսպան Սադոյանն նշեց, որ Պետրոս Ադամյանի անվան պետական հայակական թատրոնի գործունեությունը մշտապես գտնվելու է Վրաստանում ՀՀ դեսպանության ուշադրության կենտրոնում։
 

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր