Ի հիշատակ Բաքվում հայկական ջարդերի 20-ամյա տարելիցի

17 հունվարի, 2010

emb Ս.թ. հունվարի 17-ին վիրահայ համայնքը նշեց Բաքվում հայկական ջարդերի 20-ամյա տարելիցը: Այդ օրը Թբիլիսիի Հայ առաքելական Ս.Էջմիածին վերաբացված եկեղեցում, ինչպես նաև Վիրահայոց թեմին պատկանող մյուս եկեղեցիներում, emb մատուցվեցին պատարագներ, կատարվեցին հոգեհանգստյան արարողություններ` ի հիշատակ այդ ողբերգական իրադարձությունների հարյուրավոր անմեղ զոհերի:

Ս.Էջմիածին եկեղեցում հոգեհանգստյան արարողությունը վարեց Հայ առաքելական Ս.Եկեղեցու Վիրահայոց թեմի առաջնորդ Վազգեն եպիսկոպոս Միրզախանյանը:

Արարողությանը ներկա էին Վրաստանում Հայաստանի Հանրապետության արտակարգ և լիազոր դեսպան Հրաչ Սիլվանյանը, Գեղարքունյաց թեմի առաջնորդ Մարկոս եպիսկոպոս Հովհանիսյանը, Վիրահայոց թեմի Ջավախքի առաջնորդական փոխանորդ Տ.Բաբգեն աբեղա Սալբիյանը, Վրաստանի հայկական կազմակերպությունների ղեկավարներ, բազմաթիվ հավատացյալներ:

Ս.Պատարագի և հոգեհանգստյան արարողությունների ավարտից հետո մասնակիցներն այցելեցին Հայ գրողների և հասարակական գործիչների Խոջևանքի պանթեոնը, որտեղ Վրաստանում ՀՀ դեսպանության անունից հայ նահատակների հիշատակը հավերժացնող հուշակոթողին դրվեց ծաղկեպսակ:

Ներկաները մեկ րոպե լռությամբ հարգեցին Բաքվի հայկական ջարդերի անմեղ զոհերի հիշատակը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր