Յուրի Ակուլյանի լուսանկարչական ցուցահանդեսը

23 փետրվարի, 2010

Մարտի 23-ին Թբիլիսիի Մշակութային փոխկապերի կենտրոն «Կովկասյան տանը», Վրաստանում Հայաստանի Հանրապետության դեսպանության աջակցությամբ, կայացել էր լուսանկարիչ Յուրի Ակուլյանի առաջին անձնական ցուցահանդեսը` «Մենք և մեր քաղաքը» թեմայով:

Յուրի Ակուլյանն ունի լուսանկարչության 35-ամյա փորձ, այնուամենայնիվ, իր իսկ խոսքերով, «իրեն պրոֆեսիոնալ լուսանկարիչ չի համարում». Սակայն ցուցահանդեսի դիտորդները հազիվ թե համաձայնվեին լուսանկարչի կարծիքի հետ, քանզի նրա աշխատանքների որակը վկայում էր հակառակի մասին:

Ցուցահանդեսը հարուցել էր բավականին մեծ հետաքրքրություն Թբիլիսիի հասարակության և, մասնավորապես, վիրահայ համայնքի մոտ:

Լուսանեկարներում ներկայացված էին Յուրի Ակուլյանին ծանոթ և անծանոթ թբիլիսցիների պատկերներ: Ակնհայտ էր, որ պատկերելով իր հերոսներին, լուսանկարիչը ձգտել է գեղարվեստական միջոցներով արտահայտել նրանց ներքին աշխարհը: Լուսանկարներում պատկերված Վրաստանի մայրաքաղաքի գեղատեսիլ վայրերը ներկայացված էին գրավիչ գեղագիտական լուծումներով:

Անշուշտ, ցուցահանդեսը հաջողություն էր լուսանկարչի համար, և այդ նշեցին իրենց ելույթներում Վրաստանում ՀՀ դեսպանության դեսպանորդ Գարիկ Իսրայելյանը, Սուրբ Գևորգ եկեղեցու հոգևոր հայր Տեր Նարեկ քահանա Ղուշչյանը, ճանաչված լուսանկարիչ Ռուբեն Ռուխկյանը, «Կովկասյան տան» ներկայացուցիչ Վիկտորիա Մաքսոևան` մաղթելով Յուրի Ակուլյանին հետագա ստեղծագործական բարի երթ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր