Հայ մշակույթի սեզոններ Վրաստանում

03 մայիսի, 2010

Մայիսի 3-ին և 4-ին Վրաստանում կայացան Հայ մշակույթի օրեր, որոնք առաջինն էին այս տարի Վրաստանում անցկացվող Հայ մշակույթի սեզոնների հանդիսաշարում:

Այդ կապակցությամբ Վրաստան ժամանած Հայաստանի պատվիրակությանը գլխավորում էր ՀՀ մշակույթի նախարար Արթուր Պողոսյանը:

Վրաստանում Հայ մշակույթի սեզոնների պաշտոնական սկիզբը նշանավորվեց ս.թ. մայիսի 4-ին Թբիլիսիի Շոթա Ռուսթավելու անվան պետական դրամատիկական թատրոնի դահլիճում կայացած գալա-համերգով, որը կազմակերպվել էր երկու երկրների մշակութային գերատեսչությունների կողմից` Վրաստանում Հայաստանի դեսպանության աջակցությամբ:

Գալա-համերգն սկսվելուց առաջ ելույթներ ունեցան Վրաստանում Հայաստանի դեսպան Հրաչ Սիլվանյանը, Թբիլիսիի քաղաքային խորհրդի` Սակրեբուլոյի նախագահ Զաալ Սամադաշվիլին, ՀՀ մշակույթի փոխնախարար Արթուր Պողոսյանը, Վրաստանի մշակույթի, հուշարձանների պահպանության եւ սպորտի փոխնախարար Գեորգի Չալաձեն` ընդգծելով հայ-վրացական պատմական մշակութային կապերի պահպանման և զարգացման անհրաժեշտությունը:

Հանդիսատեսը մեծ հետաքրքրություն էր դրսևորել մայիսի 3-ին և 4-ին Վրաստանում Հայ մշակույթի սեզոնների շրջանակներում տեղի ունեցած բոլոր միջոցառումների նկատմամբ և ջերմորեն էր ընդունում վաստակավոր հայ մշակութային կոլեկտիվների ելույթները:

Միանշանակ կարելի ասել, որ հայ մշակույթի մայիսյան օրերը Վրաստանում ունեցան հաջողություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր