Ի հիշատակ Սումգայիթի ջարդերի զոհերի:

28 փետրվարի, 2011

Փետրվարի 28-ին Վրաստանում Հայաստանի Հանրապետության դեսպանությունը և ՀԱՍԵ Վիրահայ թեմի "Հայարտուն" մշակութային կենտրոնն անցկացրել էին միջոցառումներ` նվիրված Սումգայիթի ոճրագործության անմեղ զոհերի հիշատակին:

Թբիլիսիի Սուրբ Գևորգ առաջնորդանիստ եկեղեցում կիրակնօրյա պատարագի ավարտին վիրահայոց հոգևոր թեմի առաջնորդ Տ.Վազգեն եպիսկոպոս Միրզախանյանը հավատացյալ հոտին ուղղած իր քարոզչական խոսքում դատապարտեց սումգայիթյան եղեռնագործությունը՝ որպես ազգային պատկանելության նշանով ոճրագործություն:

Պատարագի վերջում կատարվեց հոգեհանգիստ՝ ի հիշատակ Սումգայիթի զոհերի, Հոգեհանգստի արարողությանը ներկա էին Վրաստանում Հայաստանի Հանրապետության արտակարգ և լիազոր դեսպան Հրաչ Սիլվանյանը, դեսպանության աշխատակիցներ, «Վրաստան» թերթի խմբագիր Վան Բայբուրթյանը:

Հոգեհանգստի արարողությունից հետո Թբիլիսիի վիրահայ համայնքի ներկայացուցիչները, Վրաստանում Հայաստանի Հանրապետության դեսպանության աշխատակիցների և վիրահայոց հոգևորաց դասի առաջնորդությամբ, ծաղկեպսակով և ծաղիկներով զարդարեցին Թբիլիսիի Խոջիվանքի Հայ գրողների և հասարակական գործիչների պանթեոնում հայոց զոհերի հիշատակն անմահացնող խաչքարը: Հանդես գալով միջոցառմանը, Վրաստանում Հայաստանի հանրապետության արտակարգ և լիազոր դեսպան Հրաչ Սիլվանյանը դատապարտեց սումգայիթյան ոճրագործությունը` որպես մարդկության դեմ իրականացված ամենամեծ հանցագործություն և կոչ արեց՝ աշխարհի ոչ մի անկյունում թույլ չտալ դրա կրկնությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր