ՀՀ դեսպանը մասնակցեց Ղազարոս Աղայանին նվիրված ավանդական տոնին

16 ապրիլի, 2011

Ս.թ. ապրիլի 16-ին Բոլնիս-Խաչենում տեղի ունեցավ հայ գրականության դասական, նշանավոր մանկավարժ, հրապարակախոս Ղազարոս Աղայանի հիշատակին նվիրված ավանդական տոնակատարությունը, որն այս տարի համընկավ նրա մահվան 100-ամյա տարեդարձի հետ: Կազմակերպիչների հրավերով տոնակատարությանը մասնակցեցին Վրաստանում ՀՀ արտակարգ և լիազոր դեսպան Հովհաննես Մանուկյանը, դեսպանության խորհրդականներ Արտակ Մարտիրոսյանը և Հովսեփ Կարախանյանը: Հյուրերի թվում էին նաև Բոլնիսիի գամգեբելի (գործադիր իշխանության ղեկավար) Իոսիֆ Լալիաշվիլին, Վրաստանի նախագահի խորհրդական Վան Բայբուրթը և վիրահայ համայնքի մի շարք մշակութային գործիչներ:

Միջոցառմանը ելույթով հանդես գալով ՀՀ դեսպանը, մասնավորապես, ընդգծեց Ղազարոս Աղայանի մեծ ավանդն ազգապահպանության գաղափարի զարգացման և իրականացման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր