Մեծ Եղեռնի զոհերի հիշատակին նվիրված հուշ-երեկո Թբիլիսիում:

22 ապրիլի, 2011

Ապրիլի 22-ին Թբիլիսիի «Շերատոն Մետեխի Փալաս» հյուրանոցում կայացավ հուշ-երեկո` նվիրված Հայոց ցեղասպանության 96-րդ տարելիցին, որը կազմակերպել էր «Վրաստանի հայերի ազգային կոնգրեսը»:

Պատվավոր հյուրերի թվում էին Վրաստանում Հայաստանի Հանրապետության արտակարգ և լիազոր դեսպան Հովհաննես Մանուկյանը, Հայաստանյայց Առաքելական Սուրբ Եկեղեցու Վիրահայոց թեմի առաջնորդ Տ.Վազգեն եպիսկոպոս Միրզախանյանը, Վրաստանի նախագահի խորհրդական Վան Բայբուրթը, Վրաստանի խորհրդարանի պատգամավոր Արմեն Բայանդուրյանը, հայտնի գրող և թարգմանիչ Գիվի Շահնազարին, վրաց հասարակության, ինչպես նաև Վրաստանի հայ համայնքի և հասարակական կազմակերպությունների ներկայացուցիչներ:

Երեկոն, որը կազմված էր երեք մասից, սկսվեց Նինո Փիրցխալաիշվիլու Ֆրանց Վերֆելի «Մուսա լեռան 40 օրը» վեպի թեմայով գծանկարների ցուցահանդեսով, այնուհետև մենահամերգով հանդես եկավ Երևանից ժամանած հայտնի հայ դաշնակահար, միջազգային մրցույթների դափնեկիր Հայկ Մելիքյանը: Երեկոյի երրորդ մասում կայացավ փոքր թատերական ներկայացում` Թբիլիսիի Պ.Ադամյանի անվան Հայկական Պետական Դրամատիկական Թատրոնի մի խումբ դերասանների կատարմամբ:

Վերջում միջոցառման մասնակիցներն ու հյուրերն օդ թողեցին վառված մոմերով օդապարիկներ, որոնք, բարձրանալով գիշերային Թբիլիսիի երկինք, խորհրդանշում էին Մեծ Եղեռնի զոհերի անմահ հոգիները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր