Թբիլիսիում տեղի ունեցավ նկարիչ Թենգիզ Միկոյանցի ցուցահանդեսը

10 մայիսի, 2011

Մայիսի 10-ին «Europe House» ցուցասրահում կայացավ թբիլիսահայ նկարիչ Թենգիզ Միկոյանցի նկարների ցուցահանդեսը` «Եվրոպայի մայրաքաղաքները» խորագրով: Ցուցահանդեսը կազմակերպվել էր «Վրաստանի հայերի ազգային կոնգրես» հասարակական կազմակերպության աջակցությամբ:

Այլ հյուրերի թվում միջոցառմանը ներկա են եղել Վրաստանի ստեղծագործական մտավորականության, հայ համայնքի ներկայացուցիչներ, ինչպես նաև Վրաստանում հավատարմագրված դիվանագիտական առաքելությունների ղեկավարներ և դիվանագետներ:

Ցուցահանդեսում ելույթ ունեցան Վրաստանում Հայաստանի Հանրապետության արտակարգ և լիազոր դեսպան Հովհաննես Մանուկյանը և Վիրահայոց թեմի առաջնորդ Տ.Վազգեն եպիսկոպոս Միրզախանյանը, արվեստագետ Քեթևան Տոմարաձեն, բանաստեղծուհի Անահիտ Բոստանջյանը, թարգմանիչ Գիվի Շահնազարը, «Վրաստանի հայերի ազգային կոնգրես» հասարակական կազմակերպության նախագահ Միխայիլ Ավագյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր