Վարդատոնը` Թբիլիսիում

29 մայիսի, 2011

Մայիսի 29-ին Թբիլիսիի Ս.Գեւորգ եկեղեցու հարեւանությամբ գտնվող պատմական Մեյդան հրապարակում տեղի է ունեցավ մայիսյան ավանդական Սայաթնովյան վարդատոնը: Տոնին ներկա են եղել հյուրեր Հայաստանից, Արցախից և Վրաստանի տարբեր անկյուններից:

Այլոց թվում հավաքվածներին տոնի առիթվ շնորհավորեց Վրաստանում Հայաստանի Հանրապետության արտակարգ և լիազոր դեսպան Հովհաննես Մանուկյանը: Նա մասնավորապես ասաց. «Սա մեր փոքրիկ պարտականությունն է այն մեծ ստեղծագործողի առջև, որի անունն է Սայաթ-Նովա: Այն ժառանգությունը, որը մեր մշակույթին տվել է Սայաթ-Նովան, անգնահատելի է: Թերևս չկա մի հայ մարդ, մի հայ մանուկ, որի կյանքը եւ որպես անհատ ձևավորման պրոցեսը անցած չլինի Սայաթ-Նովայի հնչյունների ներքո: Սակայն ամեն տարի այս տոնը նշելիս ամեն մեկս պետք է մի պահ մտածենք, թե արդյոք մենք ամեն ինչ արել ենք, որպեսզի արժանավույնս գնահատենք Սայաթ-Նովայի արվեստը, աշխարհին իսկապես մատուցենք այն մեծ ժառանգությունը, որը թողել է նա մեզ»:

Սայաթ-Նովայի ստեղծագործական ժառանգության մասին ելությներ ունեցան նաեւ Հայաստանյայց Սուրբ Եկեղեցու Վիրահայոց թեմի առաջնորդ, Տ.Վազգեն եպիսկոպոս Միրզախանյանը, Վրաստանի նախագահի` ազգային փոքրամասնությունների գծով խորհրդական Վան Բայբուրդը և Երևանից ժամանած հյուրեր, նաև ընթրցվեց ողջույնի ուղերձ` Հայաստանի գրողների միության անունից:

Տոնի կապակցությամբ կայացած համերգում հանդես եկան Երևանից ժամանած «Սայաթ-Նովա» համույթը` Թովմաս Պողոսյանի ղեկավարությամբ, Թբիլիսիի «Ջեյրան» պարային համույթը` Սվետլանա Երիցյանի ղեկավարությամբ, Թբիլիսիի պետական հայկական դրամատիկական թատրոնի դերասաններ, մենակատարողներ Հենրիխ Պողոսյանը, Անա Խանչալյանը, Անահիդ Հարությունյանը և ուրիշներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր