Ալ.Մանթաշովին նվիրված ֆիլմի ցուցադրություն Թբիլիսիում

30 նոյեմբերի, 2011

Ս.թ. նոյեմբերի 30-ին Վրաստանում ՀՀ դեսպանությունը, Հայ Առաքելական եկեղեցու վիրահայոց թեմի առաջանորդարանի և Հայաստանի արդյունաբերողների և գործարարների (գործատուների) միության համագործակցությամբ, Թբիլիսիի «Ամիրանի» կինոթատրոնում կազմակերպեց հայ մեծ վաճառական և բարերար Ալեքսանդր Մանթաշովի գործունեությանը նվիրված վավերագրական ֆիլմի ցուցադրումը:

Միջոցառման բացման խոսքով հանդես եկան Հայ Առաքելական եկեղեցու վիրահայոց թեմի առաջնորդ Վազգեն եպիսկոպոս Միրզախանյանը, Վրաստանում ՀՀ արտակարգ և լիազոր դեսպան Հովհաննես Մանուկյանը և Արդյունաբերողների և գործարարների միության նախագահ Արսեն Ղազարյանը:

«Ալեքսանդր Մանթաշյանց. Մեծ հայի խիղճը» վավերագրական ֆիլմի ցուցադրությանը ներկա էին ՀՀ դեսպանության աշխատակիցները, Հայ Առաքելական եկեղեցու վիրահայոց թեմի առաջնորդարանի հոգևորականները, Հայաստանի արդյունաբերողների և գործարարների միության անդամներն ու Վրաստանի հայ համայնքի ներկայացուցիչները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր