Հայերեն թարգմանված գրքի շնորհանդես Թբիլիսիում

21 հունվարի, 2012

Ս.թ. հունվարի 21-ին Թբիլիսիի «Հայարտուն» մշակութային կենտրոնում տեղի ունեցավ վրաց հայտնի արձակագիր, Վրաստանի գրողների միության նախագահի առաջին տեղակալ, բանասիրության գիտությունների դոկտոր, պրոֆեսոր, Վրաստանի «Պատվո շքանշանի» ասպետ, Վրաստանի մշակույթի վաստակավոր գործիչ և «Վրաստանի արձակի» ասպետ Ռևազ Միշվելաձեի «Երբ արցունքն էլ ցամաքեց» հայերեն թարգմանված գրքի շնորհանդեսը:

Միջոցառմանը ներկա էին Վրաստանում ՀՀ արտակարգ և լիազոր դեսպան Հովհաննես Մանուկյանը, Թբիլիսիում գտնվող Հայաստանի գրողների միության նախագահ Լևոն Անանյանը, , Հայ առաքելական եկեղեցու Վիրահայոց թեմի առաջնորդ Վազգեն եպիսկոպոս Միրզախանյանը, Վրաստանի նախագահի խորհրդական Վան Բայբուրդը, Վրաստանի գրողների միության նախագահ տիկին Մաղվալա Գոնաշվիլին, ինչպես նաև Վրաստանի մտավորականության և կրթամշակութային շրջանակների և հայ համայնքի ականավոր ներկայացուցիչներ:

Հանդիսավոր միջոցառմանը բացման խոսքով հանդես եկավ թարգմանության հեղինակ, բանաստեղծուհի, հասարակական գործիչ, Վրաստանի հայ գրողների «Վերնատուն» միության անդամ Անահիտ Բոստանջյանը: Հեղինակին մեծարանքի խոսքեր ուղղվեցին, մասնավորապես՝ Հայաստանի և Վրաստանի գրողների միությունների նախագահների կողմից: Հատվածներ ընթերցվեցին թարգմանությունից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր