ՀՀ դեսպանը հանձնեց շնորհակալագրեր երիտասարդ վրաց կինեմատոգրաֆիստներին

02 փետրվարի, 2012

Փետրվարի 2-ին Վրաստանի երիտասարդության տանը կազմակերպվել էր «Մենք բարեկամներ ենք» վավերագրական կինոնկարի ցուցադրություն, որը պատմում է 2011 թվականի հոկտեմբերին Երևանում կայացած Միջազգային մանկապատանեկան կինոփառատոնին վրացական «Պիոներֆիլմ» երիտասարդական կինոստուդիայի մասնակցության մասին, ուր վրացի պատանիները ներկայցրել էին չորս ֆիլմեր:

Կինոնկարի ցուցադրումից հետո Վրաստանում ՀՀ արտակարգ և լիազոր դեսպան Հովհաննես Մանուկյանը հանձնեց վրացի երիտասարդներին կինոփառատոնին մասնակցության շնորհակալագրերը:

«Պիոներֆիլմ» երիտասարդական կինոստուդիայի ղեկավար Գրիգոլ Չիգոգիձեն իր հերթին երախտագիտություն հայտնեց ՀՀ դեսպանին և երևանյան փառատոնի պատասխանատուներին` այն բարձր մակարդակով կազմակերպելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր