Վրաստանում ՀՀ դեսպանի այցը Բոլնիսի մունիցիպալիտետ

02 մարտի, 2023

Մարտի 2-ին Վրաստանում ՀՀ դեսպան Աշոտ Սմբատյանի գլխավորած պատվիրակությունը ճանաչողական այց կատարեց Վրաստանի Քվեմո-Քարթլիի մարզի Բոլնիսի մունիցիպալիտետ: Բոլնիսիի քաղաքապետարանում ՀՀ դեսպանին ընդունեց քաղաքապետ Դավիդ Շերազարիշվիլին և սակրեբուլոյի նախագահ Թամազ Ժորժոլիանին: Հանդիպմանը ներկա էր նաև Քվեմո-Քարթլիում Վրաստանի կառավարության ներկայացուցչի տեղակալ Կախա Կոբերիձեն:

Նույն օրը ՀՀ դեսպանի գլխավորած պատվիրակությունն այցելեց Բոլնիսի քաղաքի թիվ 2 հանրային դպրոց: Ողջույնի խոսքով հանդես եկավ դպրոցի տնօրեն Մանանա Ադամիան: Քաղաքապետ Դ.Շերազարիշվիլիի և ՀՀ դեսպանի ելույթներից հետո Ա.Սմբատյանը պատասխանեց կրթօջախի մանկավարժների, աշակերտների և ծնողների հարցերին: Հանդիպման ավարտին դեսպանը գրքեր նվիրեց դպրոցի գրադարանին և շնորհակալություն հայտնեց ջերմ ընդունելության համար:

Այցի շրջանակներում ՀՀ դեսպանը եղավ նաև մունիցիպալիտետի Կիանեթի և Բոլնիս-Խաչեն գյուղերում, որտեղ հանդիպումներ ունեցավ գյուղերի բնակչության հետ, պատասխանեց վերջիններիս հարցերին: Բոլնիս-Խաչեն գյուղում ՀՀ դեսպանի գլխավորած պատվիրակությունն այցելեց նաև Ղազարոս Աղայանի անվան տուն-թանգարան, շրջայց կատարեց դասականի ապրած տանը՝ իր գրառումը թողնելով պատվավոր հյուրերի հուշամատյանում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր