Վրաստանում Հայաստանի Հանրապետության նորանշանակ դեսպանը հանձնեց հավատարմագրերի պատճենները:

11 ապրիլի, 2011

Ս.թ. ապրիլի 11-ին Վրաստանի արտաքին գործերի նախարարությունում տեղի ունեցավ Վրաստանում ՀՀ արտակարգ և լիազոր դեսպան Հովհաննես Մանուկյանի կողմից Վրաստանի արտաքին գործերի նախարարի տեղակալ Նինո Կալանդաձեին հետկանչագրերի և հավատարմագրերի պատճենների հանձնման պաշտոնական արարողությունը:

Արարողությունից հետո ՀՀ դեսպանի և Վրաստանի արտաքին գործերի նախարարի տեղակալի միջև կայացավ զրույց:

Զրույցի ընթացքում քննարկվեց հայ-վրացական հարաբերությունների ներկա վիճակը: Երկու կողմերն համամիտ էին այն գնահատականում, որ երկկողմ հարաբերություները գտնվում են սերտ գործընկերության մակարդակի վրա: Նշվեց, որ Հայաստանը և Վրաստանը հաջողությամբ համագործակցում են մի շարք քաղաքական, հասարակական, առևտրա-տնտեսական և մշակութային բնագավառներում:

Վրաստանի արտաքին գործերի նախարարի տեղակալ Նինո Կալանդաձեն շնորհավորեց Վրաստանում ՀՀ արտակարգ և լիազոր դեսպան Հովհաննես Մանուկյանին այդ պաշտոնում նշանակման կապակցությամբ և ցանկացավ հաջողություններ գործունեության մեջ: ՀՀ դեսպանն իր հերթին հայտնեց պատրաստակամություն` չխնայել ջանքեր հայ-վրացական հարաբերությունների հետագա բարելավմանը ու խորացմանը նպաստելու գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր