Հայաստանի դեսպանը հանձնեց հավատարմագրերը Վրաստանի նախագահին

19 ապրիլի, 2011

Ապրիլի 19-ին, Թբիլիսիում, Վրաստանի նախագահի նստավայրում տեղի ունեցավ Վրաստանում Հայաստանի Հանրապետության արտակարգ և լիազոր դեսպան Հովհաննես Մանուկյանի կողմից Վրաստանի նախագահ Միխեիլ Սաակաշվիլուն նախկին դեսպանի հետկանչագրերի և նոր դեսպանի հավատարմագրերի հանձնման հանդիսավոր արարողությունը: Հայաստանի դեսպանին այդ արարողությանն ուղեկցում էին Վրաստանում ՀՀ դեսպանության խորհրդական Արտակ Մարտիրոսյանը և երկրորդ քարտուղար Արտակ Կալաչյանը: Արարողության ընթացքում Հայաստանի Հանրապետության նախագահի անունից ողջույնի խոսքը և հավատարմագրերի հանձնումն ուղեկցող տեքստը Հայաստանի դեսպանի կողմից արտասանեցին վրացերեն լեզվով:

Հավատարմագրերի հանձնման արարողությունից հետո Վրաստանի նախագահի և Հայաստանի դեսպանի միջև կայացավ առանձնազրույց, որի ընթացքում քննարկվեցին հայ-վրացական միջպետական հարաբերություններին վերաբերող առաջնահերթ խնդիրներ, առևտրատնտեսական, մշակութային և փոխադարձ հետաքրքրություն ներկայացնող այլ ոլորտներում համագործակցությանն առնչվող հարցեր, Վրաստանի հայ համայնքի հոգևոր, մշակութային և կրթական խնդիրների, ինչպես նաև Վրաստանի` ծագումով հայ քաղաքացիների` հասարակության հասարակական-քաղաքական, տնտեսական և մշակութային կյանքին առավելագույնս արդյունավետ ինտեգրման ուղղությամբ իրականացվող քաղաքականությանն առնչվող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր