Հովհաննես Մանուկյանի հանդիպումը Վրաստանի մշակույթի եւ հուշարձանների պահպանության նախարարի հետ

19 մայիսի, 2011

Մայիսի 19-ին Վրաստանում Հայաստանի դեսպան Հովհաննես Մանուկյանը հանդիպեց Վրաստանի մշակույթի եւ հուշարձանների պահպանության նախարար Նիկոլոզ Ռուրուայի հետ եւ քննարկեց մշակութային ոլորտում համագործակցության մի շարք հարցեր:

Անդրադառնալով Թբիլիսիի Պ. Ադամյանի անվան պետական հայկական դրամատիկական թատրոնի շենքի նորոգմանը` Վրաստանի մշակույթի եւ հուշարձանների պահպանության նախարարը տեղեկացրեց դեսպանին, որ վրացական կողմը լուծել է ֆինանսական միջոցների հարցը եւ մոտ ժամանակներս կսկսվեն նախագծային աշխատանքները, որոնց կհաջորդեն նորոգման աշխատանքները:

Քննարկվեց նաեւ վթարային վիճակում գտնվող Թբիլիսիի երկու չգործող հայկական` Սուրբ Նշան եւ Սուրբ Նորաշեն եկեղեցիների նորոգման հարցը:

Անդրադառնալով հայ-վրացական մշակութային կապերի, փոխճանաչողության գործընթացը ամրապնդելու խնդիրներին` դեսպանը նշեց հայկական եւ վրացական մտավորականության ներկայացուցիչների պարբերական հանդիպումներ կազմակերպելու անհրաժեշտությունը:

Անդրադառնալով հայ-վրացական մշակութային կապերի, փոխճանաչողության գործընթացը ամրապնդելու խնդիրներին, դեսպանը նշեց հայկական և վրացական մտավորականության ներկայացուցիչների պարբերական հանդիպումներ կազմակերպելու անհրաժեշտությունը: Վրաստանի մշակույթի և հուշարձանների պահպանության նախարարն ընդգծեց, որ այդպիսի հանդիպումները հատկապես օգտակար կլինեն երիտասարդ սերնդի համար և տարօրինակ գնահատեց այն իրողությունը, որ այսօր վրաց և հայ ժողովուրդների երիտասարդներն ավելի շատ գիտեն Եվրոպայի, Ասիայի և այլ հեռավոր տարածաշրջանների երկրների, քան թե միմյանց մասին: Կողմերը եկան եզրակացության, որ հարկ է գտնել համապատասխան ձևաչափ նման հանդիպումները կազմակերպելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր