Հայաստանի դեսպանն այցելեց Աջարիա

04 օգոստոսի, 2011

Օգոստոսի 1-ից 4-ը տեղի ունեցավ Վրաստանում ՀՀ դեսպան Հովհաննես Մանուկյանի այցն Աջարիայի ինքնավար հանրապետություն, որտեղ նա հանդիպել է Աջարիայի ինքնավար հանրապետության վարչապետ Լևան Վարշալոմիձեի և տեղի հայ համայնքի ներկայացուցիչների հետ:

Օգոստոսի 2-ին Աջարիայի հայ համայնքի ներկայացուցիչների հետ հանդիպման ընթացքում քննարկվեցին համայնքային կյանքին վերաբերող կարևոր խնդիրներ: Մասնավորապես, Բաթումիի հայկական դպրոցի բնականոն գործունեության, Հայաստանի հետ մշակութային համագործակցության և Հայ առաքելական եկեղեցու գործունեության հետ առընչվող հարցեր:

Օգոստոսի 3-ին կայացած Աջարիայի ինքնավար հանրապետության վարչապետի հետ հանդիպման ընթացքում քննարկվեցին Աջարիայի ինքնավար հանրապետության և Հայաստանի միջև տնտեսական, մշակութային և այլ բնագավառներում համագործակցության հարցեր, այդ թվում, Աջարիայի տնտեսության առանձին բնագավառներում հայ գործարարների կողմից ներդրումների կատարումը խթանելու հարցը: Կողմերը համաձայնության եկան այս տարվա աշնանը Աջարիայում հայ գործարարների մասնակցությամբ բիզնես ֆորումի անցկացման նպատակահարմարության վերաբերյալ:

Բացի այդ քննարկվեց Աջարիայի մայրաքաղաքի և այլ քաղաքների, համապատասխանաբար, Վանաձորի և Լոռվա մարզի քույր քաղաքների միջև համագործակցության ակտիվացման հարցը: ՀՀ դեսպանը վարչապետին ներկայացրեց Աջարիայի հայ համայնքի բնականոն գործունեության հետ կապված խնդիրները: Վարչապետը պատրաստակամություն հայտնեց հնարավորության սահմաններում աջակցել այդ խնդիրների լուծմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր