Թբիլիսիում սկիզբ առավ Հայաստանի Հանրապետության անկախությանը նվիրված տոնական միջոցառումների շարքը

20 սեպտեմբերի, 2011

Սեպտեմբերի 20-ին Վրաստանի մայրաքաղաքում սկիզբ առավ հանդիսավոր միջոցառումների շարքը` նվիրված Հայաստանի Հանրապետության անկախության 20-ամյա հոբելյանին:

Այն սկսվեց «Լուսանկարչական էտյուդներ Հայաստանից» ցուցահանդեսով, որը կազմակերպվել էր Թբիլիսիի կոնսերվատորիայի շենքում: Ցուցահանդեսը բացեց Հայաստանի Հանրապետության արտակարգ և լիազոր դեսպան Հովհաննես Մանուկյանը` նշելով, որ նրանում ներկայացված են Թբիլիսիում ճանաչված լուսանկարիչների` Յուրի Մեչիտովի, Մայա Դեիսաձեի, Յուրի Ակուլյանի, Վալերի Ունանյանցի և Ազատ Մանուկյանի վերջին տարիների ընթացքում Հայաստանում արված լուսանկարները: Վարպետությամբ և սիրով կատարված լուսանկարներից դիտորդների առջև հառնեցին գեղեցիկ և երիտասարդ երկրի պատկերը, հայկական բնաշխարհն ու ոգին:

Ցուցահանդեսից հետո հյուրերը տեղափոխվեցին կոնսերվատորիայի մեծ դահլիճ, ուր կայացավ օրվա տոնին նվիրված հանդիսավոր նիստ: Հայաստանի դեսպան Հովհաննես Մանուկյանը շնորհավորեց ներկաներին տոնի կապակցությամբ և նշեց, որ Հայաստանը ոչ միայն ավելի քան երեք միլիոն հայաստանցիների, այլև միլիոնավոր աշխարհասփյուռ հայերի հայրենիքն է:

Վիրահայոց թեմի առաջնորդ Տեր Վազգեն եպիսկոպոս Միրզախանյանը ներկաներին փոխանցեց Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի շնորհավորանքի խոսքը` հոբելյանական տարեդարձի կապակցությամբ:

Այնուհետև Հայաստանի դեսպանը հրապարակեց Վրաստանի հայ համայնքի վաստակավոր և ակտիվ ներկայացուցիչների անունները, ովքեր պարգևատրվել են Հայաստանի Հանրապետության մշակույթի, սփյուռքի, կրթության և գիտության նախարարությունների մեդալներով, պատվոգրերով և շնորհակալագրերով, ինչպես նաև Վրաստանում Հայաստանի Հանրապետության դեսպանության պատվոգրերով և շնորհակալագրերով:

Առաջին օրվա տոնական միջոցառումների շարքն ավարտվեց համերգով, ուր Թբիլիսիի հանրաճանաչ երգիչների և համույթների կատարմամբ հնչեցին Հայաստանի Հանրապետության օրհներգը, հայկական

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր