Վրաստանի էկոնոմիկայի և կայուն զարգացման նախարարն ընդունել է Հայաստանի դեսպանին

23 հունվարի, 2012

Ս.թ. հունվարի 23-ին կայացավ Վրաստանում Հայաստանի Հանրապետության արտակարգ և լիազոր դեսպան Հովհաննես Մանուկյանի և Վրաստանի էկոնոմիկայի և կայուն զարգացման նախարար Վերա Քոբալիայի հանդիպումը:

Հանդիպման ընթացքում կողմերը քննարկել են հայ-վրացական հարաբերությունների հրատապ հարցեր: Մասնավորապես, կողմերը անդրադարձել են Հայաստանի և Վրաստանի միջև մշտական օդային հաղորդակցության հարցը և ընդգծել հնարավոր չափով շուտ այն վերսկսելու անհրաժեշտությունը: Նաև քննարկվել է զբոսաշրջության ոլորտում համագործակցության հարցը, հատկապես, ինչպես Հայաստանը, այնպես Վրաստանն ընդգրկող համատեղ տուրիստական երթուղիների ստեղծման նպատակով զբոսաշրջության շուկայում սուբյեկտների համագործակցությունը: Ձեռք է բերվել պայմանավորվածություն` համապատասխան պետական կառույցների և զբոսաշրջության շուկայում տուրիստական ծառայություններ տրամադրող շահագրգիռ սուբյեկտների աշխատանքային հանդիպում կազմակերպելու մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր