Հայաստանի դեսպանն ընդունեց Ղազախստանի ժամանակավոր հավատարմատարին

21 մարտի, 2012

Ս.թ. մարտի 21-ին Վրաստանում Ղազախստանի ժամանակավոր հավատարմատար Ադիլ Թուրսունովը քաղաքավարության այց կատարեց Վրաստանում ՀՀ արտակարգ և լիազոր դեսպան Հովհաննես Մանուկյանին:

Վրաստանում երկու երկրների դիվանագիտական առաքելությունների ղեկավարները քննարկեցին հայ-վրացական և վրաց-ղազախստանյան հարաբերությունների օրակարգերի հարցեր:

Բացի այդ, կայացած զրույցի ընթացքում Ղազախստանի ժամանակավոր հավատարմատարը անդրադարձավ իր երկրի Վրաստանում տնտեսական ներկայության թեմային և պատմեց Ղազախստանի հայկական համայնքի տնտեսական և մշակութային գործունեության մասին: Հայաստանի դեսպանը, իր հերթին, պատմեց Վրաստանի հայկական համայնքի գործունեության մասին և անդրադարձավ վրացական պետության` հայերով հոծ բնակեցված Վրաստանի տարածաշրջաններում սոցիալ-տնտեսական իրավիճակի բարելավմանն ուղղված ծրագրերի իրականացման հարցին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր