Դեսպան Մանուկյանի հանդիպումը Վրաստանի փոխվարչապետ, պաշտպանության նախարար Իրակլի Ալասանիայի հետ

03 դեկտեմբերի, 2012

Ս.թ. դեկտեմբերի 3-ին Վրաստանում ՀՀ արտակարգ և լիազոր դեսպան Հովհաննես Մանուկյանը հանդիպեց Վրաստանի փոխվարչապետ, պաշտպանության նախարար Իրակլի Ալասանիայի հետ:

Շնորհավորելով զրուցակցին Վրաստանի պաշտպանության նախարարի բարձր և պատասխանատու պաշտոնում նշանակվելու կապակցությամբ դեսպան Մանուկյանը հույս հայտնեց, որ երկու երկրների գործընկերային հարաբերությունները հետայսու ևս կպահպանեն ձևավորված բարձր մակարդակը: Վրաստանի փոխվարչապետը շնորհակալություն հայտնեց սերտ համագործակցության համար և նշեց, որ հայ-վրացական փոխադարձ համագործակցությունը պաշտպանական բնագավառում երկկողմ հարաբերությունների կարևոր ուղղություններից է և պատրաստակամություն հայտնեց շարունակել համագործակցությունը հայկական կողմի հետ ձևավորված սերտ գործընկերային ոգուն համապատասխան: Հանդիպման կողմերը միասնական կարծիք արձանագրեցին երկու պետությունների միջև առկա համագործակցութունն առավել ընդլայնելու անհրաժեշտության մասին:

Զրուցակիցները քննարկեցին Հայաստանի և Վրաստանի պաշտպանական գերատեսչությունների միջև համագործակցության և երկուստեք հետաքրքրություն ներկայացնող մի շարք հարցեր:

Դեսպան Մանուկյանը նախարար Ալասանիային փոխանցեց ՀՀ պաշտպանության նախարար Սեյրան Օհանյանի շնորհավորական նամակը և Հայաստան այցելելու հրավերը, ինչը սիրով ընդունվեց վրաց նախարարի կողմից:

Հանդիպմանը մասնակցում էր Վրաստանում ՀՀ ռազմական կցորդ Գարեգին Մուրադյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր