Գրական համաժողով Խորհրդարանի գրադարանում

23 ապրիլի, 2013

Ապրիլի 22-ին, Խորհրդարանական ազգային գրադարանում տեղի ունեցավ <<Եվրոպական մտածողությունը 20-րդ դարասկզբի արևմտահայ բանաստեղծների ստեղծագործություններում>> թեմայով գրական-գործնական համաժողով` նվիրված Օսմանյան կայսրությունում ցեղասպանության զոհ դարձած 20-րդ դարասկզբի հայ հայտնի բանաստեղծների աշխատանքին:

Համաժողովը կազմակերպել էր <<Թբիլիսիի հայերի ասամբլեա>> հասարակական կազմակերպությունը` Վրաստանում ՀՀ դեսպանության և ՀԱԵ Վիրահայոց Թեմի աջակցությամբ:

Որպես համաժողովի մասնակիցներ և հյուրեր հրավիրված էին հայտնի հայ և վրացի թբիլիսյան բանաստեղծներ, գրողներ, ուսուցիչներ, թարգմանիչներ, հայագետներ, դերասաններ:

Բացման և օրհնության խոսքով հանդես եկավ Հայ Առաքելական Ուղղափառեկեղեցու Վրաստանի թեմի առաջնորդ Գերաշնորհ Տ. Վազգեն եպս.Միրզախանյանը: Նա հիշեցրեց համաժողովի մասնակիցներին և հյուրերին 1915 թվականի ողբերգական իրադարձությունները և առաջարկեց աղոթել ցեղասպանության զոհերի համար:

Համաժողովը վարում էր կազմակերպիչներից մեկը` գրող և հրապարակախոս Արտյոմ Կիրակոզովը: Մասնակիցները ընթերցեցին մի քանի զեկույցներ, որոնցում նշվում էր արևմտահայ բանաստեղծների դերը հայկական և միջազգային գրականության մեջ: Հյուրերի դատին հանձնվեց նաև 1915 թվականին զոհված Ռուբեն Սևակի, Սիամանթոյի և Վարուժանի ստեղծագործությունների գրական թարգմանությունները ռուսերեն և վրացերեն լեզուներով:

Միջոցառման ավարտին ելույթ ունեցավ Վրաստանում ՀՀ դեսպանության խորհրդական Լևոն Թորգոմյանը, ով շնորհակալական խոսք հայտնեց կազմակերպիչներին կատարած աշխատանքի համար և խոստացավ դեսպանության աջակցությունը հետայսու միջոցառումների կազմակերպման աջակցելու հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր