Դեսպան Մանուկյանի հանդիպումը <<Արի տուն>> ծրագրի մասնակիցների հետ

05 դեկտեմբերի, 2013

Դեկտեմբերի 4-ին Վրաստանում ՀՀ դեսպանությունում կազմակերպվել էր հանդիպում <<Արի տուն>> հայրենաճանաչության 2013 թվականի ծրագրի Վրաստանի հայ համայնքից մասնակից երիտասարդների հետ:

Ծրագրի տարածքային համակարգչին և մասնակիցներին ընդունեց Վրաստանում ՀՀ արտակարգ և լիազոր դեսպան Հովհաննես Մանուկյանը:
Երիտասարդները կիսվեցին հայրենիքից և <<Արի տուն>> ծրագրից ստացած իրենց տպավորություններով, ինչպես նաև ներկայացրեցին իրենց առաջարկություններն ու ցանկությունները` ծրագիրն էլ ավելի բովանդակալից և հետաքրքիր դարձնելու համար: Ծրագրի մասնակիցները մեծ ոգևորությամբ վերհիշեցին ամառային ճամբարում անցկացրած 4 օրերի մասին՝ միաժամանակ ցանկություն հայտնելով առավել երկար ժամանակ տրամադրել ճամբարային հանգստին՝ աշխարհասփյուռ հայրենակիցների հետ լիարժեք շփվելու համար: Այն երիտասարդները, որոնք նախորդ տարիներին ևս մասնակցել էին ծրագրին, նշեցին, որ էականորեն բարձրացել է կազմակերպչական աշխատանքների որակը` թե՛ էքսկուրսիաների կազմակերպման և հարմարավետության, թե՛ միջոցառումների բովանդակության, և թե՛ կենցաղային պայմանների մասով:

Ընդհանուր առմամբ հանդիպմանը ներկա երիտասարդներն արժեվորեցին <<Արի տուն>> ծրագրի կարևորությունը հայապահպանության գործում և մեծ գոհունակությամբ նշեցին, որ շարունակում են շփումը ծրագրի ընթացքում ձեռք բերած ընկերների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր