Վրաստանում ՀՀ արտակարգ եվ լիազոր դեսպան Յուրի Վարդանյանի շնորհավորական ուղերձը Հայաստանի Հանրապետության Անկախության տոնի առթիվ

21 սեպտեմբերի, 2014

Սիրելի՛ հայրենակիցներ,

Շնորհավորում եմ Հայաստանի Հանրապետության Անկախության տոնի կապակցությամբ:

Հայաստանի երրորդ հանրապետությունը բոլորեց իր 23 տարին: Այս տարիները լի էին բազմաթիվ խնդիրներով և փորձություններով, սակայն համոզված եմ, որ մեր երկրի և ոչ մի քաղաքացի, ինչպես նաև իր պատմական հայրենիքի հոգսերը կիսող, նրա ցավերով ապրող աշխարհասփյուռ հայության և ոչ մի ներկայացուցիչ չի զղջում, որ 23 տարի առաջ, Հայաստանի բնակչության ազատ կամքի դրսևորմամբ, վերականգնվեց մեր ազգային անկախությունը, և հայ ժողովուրդը կրկին անգամ ձեռնամուխ եղավ կերտելու հնագույն արմատներ ունեցող իր պետականությունը:

Այսօր մենք իրավամբ կարող ենք ասել, որ արժանապատվորեն ենք անցնում տարաբնույթ փորձությունների բովով՝ պահպանելով մեր ազգային հոգեկերտվածքի լավագույն հատկանիշները՝ տոկունությունը, լավատեսությունը և դժվարությունների առջև չնահանջելու կամքը:

Հարգելի՛ հայրենակիցներ,

Կրկին շնորհավորում եմ Հայաստանի Հանրապետության անկախության հռչակման տարեդարձի կապակցությամբ և հույս հայտնում, որ մի օր մեր ուժեղ, կայուն և ծաղկող երկիրը կդառնա աշխարհի բոլոր հայերի պարծանքն ու հանգրվանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր