Վրաստանում ՀՀ դեսպանությունը մասնակցեց Ամանորյա տարեկան ձմեռային տոնավաճառ-2014 բարեգործական միջոցառմանը

29 նոյեմբերի, 2014

Նոյեմբերի 29-ին Վրաստանի Կանանց միջազգային ասոցիացիան Թբիլիսիի Շերատոն Մետեխի հյուրանոցային նախասրահում կազմակերպեց Ամանորյա տարեկան ձմեռային տոնավաճառ-2014 բարեգործական հերթական միջոցառումը, որին իր մասնակցությունը բերեց նաև Վրաստանում ՀՀ դեսպանությունը: Մասնակիցների թվում էին Վրաստանում հավատարմագրված դիվանագիտական առաքելություններն ու տարբեր տեղական կազմակերպություններ և անհատ արհեստասերներ:

Բարեգործական նպատակներով անցկացվող ամենամյա միջոցառման մասնակիցները, մասնավորապես` դիվանագիտական ներկայացուցչություններն իրենց տաղավարներում բազմաթիվ այցելուներին են ներկայացնում ձեռքի աշխատանքներ, խորհրդանշական հուշանվերներ, որոշակի արտադրատեսականի և ազգային խոհանոցի նմուշներ:

Ցուցասրահում ներկայացված լավագույններից մեկը համարվող ՀՀ դեսպանության տաղավարը, նախորդ տարիների նման, այցելուներին է մատուցել հիմնականում հայկական ավանդական հուշանվերներ, կոնյակ և հրուշակեղեն:

Վաճառքից առաջացած գումարային միջոցները դեսպանությունը տրամադրելու է Վրաստանի Կանանց միջազգային ասոցացիայի կողմից այս տարվա համար սահմանված բարեգործական նախաձեռնությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր