Դեսպան Վարդանյանի հանդիպումը Վրաստանի գյուղատնտեսության նախարարի հետ

23 հունվարի, 2015

Ս.թ. հունվարի 23-ին Վրաստանում ՀՀ արտակարգ և լիազոր դեսպան Յուրի Վարդանյանը հանդիպում ունեցավ Վրաստանի գյուղատնտեսության նախարար Օթար Դանելիայի հետ:

Հանդիպման ընթացքում դիտարկել են երկու կողմերին փոխադարձաբար հետաքրքրող գյուղատնտեսության ոլորտի հարցեր: Անդրադարձ կատարվեց Հայաստանի և Վրաստանի միջև գյուղատնտեսական ոլորտում փորձի փոխանակման ծրագրերին: Քննարկվել է ընթացիկ տարում վերոնշյալ ոլորտում հայ-վրացական բիզնես-համաժողովի անցկացման հնարավորությունը:

Բացի այդ ձեռք է բերվել պայմանավորվածություն՝ 2015թ. մարտ ամսից հետո Հայաստանի և Վրաստանի գյուղատնտեսության նախարարների հանդիպման կազմակերպման վերաբերյալ:

Հանդիպումն անցավ ջերմ և բարեկամական մթնոլորտում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր