Դեսպան Վարդանյանի հանդիպումը Վրաստանի շրջակա միջավայրի և բնական պաշարների պահպանության նախարարի հետ

10 մարտի, 2015

Մարտի 10-ին Վրաստանում ՀՀ դեսպան Յուրի Վարդանյանը հանդիպում ունեցավ Վրաստանի շրջակա միջավայրի և բնական պաշարների պահպանության նախարար Էլգուջա Խոկրիշվիլիի հետ:

Զրուցակիցները համակարծիք էին, որ երկու պետությունների և կառավարությունների միջև ձևավորված բարիդրացիական և կառուցողական հարաբերությունները պարարտ հող են հանդիսանում տարբեր ոլորտներում փոխշահավետ համագործակցության զարգացման համար:

Այս համատեքստում Դեսպան Վարդանյանը և նախարար Խոկրիշվիլին քննարկեցին շրջակա միջավայրի և բնական պաշարների ոլորտներում երկկողմ համագործակցության խթանմանն առնչվող հարցեր: Երկուստեք կարևորվեց փորձի փոխանակման միջոցառումների, միջգերատեսչական փոխայցելությունների և համատեղ ծրագրերի իրականացումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր