Յուրի Վարդանյանը Բաթումում մասնակցեց Ալեքսանդր Մանթաշովի անվան կրթա-մշակութային կենտրոնի բացմանը

07 դեկտեմբերի, 2015

Դեկտեմբերի 5-ին Վրաստանում ՀՀ արտակարգ և լիազոր դեսպան Յուրի Վարդանյանը այցելեց Բաթում՝ մասնակցելու Ալեքսանդր Մանթաշովի անվան կրթա-մշակութային կենտրոնի բացմանը, որը կառուցվել է ՀՀ սփյուռքի նախարարության և« Ջինիշյան» հիմնադրամի հովանավորությամբ, ինչպես նաև Վիրահայոց Թեմի Առաջնորդարանի և Սուրբ Փրկիչ եկեղեցու ծխական համայնքի աջակցությամբ:

Հանդիսավոր արարողությունից հետո դեսպան Վարդանյանը շնորհավորեց ներկաներին կենտրոնի բացման կապակցությամբ՝ մեծ նշանակություն տալով հայ ինքնության պահպանմանը, հայկական մշակույթի զարգացմանն ու տարածմանը ուղղված գործունեությանը, որ պետք է իրականացնի նորաստեղծ Մանթաշովի անվան կրթամշակութային կենտրոնը:

Դեսպանը նաև երախտիքի խոսքեր հղեց Վրաստանի իշխանություններին՝ հայապահպանությանն ուղղված նախաձեռնություններին աջակցելու համար և կարևորեց հայ-վրացական ջերմ հարաբերությունները՝ հույս հայտնելով, որ կենտրոնը անպայման իր ներդրումը կունենա այդ բարեկամության ամրապնդման և զարգացման գործում:

Միջոցառմանը ներկա էին նաև Վիրահայոց թեմի առաջնորդ Գերաշնորհ Տեր Վազգեն Եպիսկոպոս

Միրզախանյանը, Ջինիշյան հիմնադրամի տնօրեն Արմեն Հակոբյանը, Բաթումում ՀՀ գլխավոր հյուպատոս Արամ Գրիգորյանը, համայնքային գործիչներ, մտավորականներ, այլ հյուրեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր