Շուշիի ազատագրման 24-րդ տարեդարձին նվիրված միջոցառում Թբիլիսիում

10 մայիսի, 2016

Ս.թ. մայիսի 7-ին Վրաստանում ՀՀ դեսպանության դիվանագիտական կազմը Վիրահայոց թեմի «Հայարտուն» կենտրոնի Գալուստ Գյուլբենկյան սրահում մասնակցեց Շուշիի ազատագրման 24-րդ տարեդարձին նվիրված միջոցառմանը:

Ողջույնի խոսքով հանդես եկան Վրաստանում ՀՀ ռազմական կցորդ, գնդապետ Սամվել Ռամազյանը և դեսպանության խորհրդական Կարեն Մելիքյանը:

Երեկոյին ներկա էին նաև Արցախյան պատերազմի ազատամարտիկներ, թբիլիսահայ մտավորականներ, հոգևորականներ, հայ հասարակայնության այլ ներկայացուցիչներ:

Միջոցառման ընթացքում Արցախյան պատերազմի ազատամարտիկ Ստանիսլավ Մանուկյանը կատարեց Շուշիին նվիրված երգ, ցուցադրվեց «Հարսանիք լեռներում» վավերագրական ֆիլմը, ընթերցվեցին հայ դասականների հայրենասիրական բանաստեղծություններ, կատարվեցին Մայր հայրենիքին նվիրված երգեր:

Միջոցառումը դարձավ Թբիլիսիում կայանալիք մայիսյան եռատոնին նվիրված հանդիսությունների մեկնարկը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր