Վրաստանում ՀՀ դեսպանության հայտարարությունը Սադախլո անցակետում իրադրության վերաբերյալ

07 հլս, 2025

Հայտնում ենք, որ մարտի 20-ից վրացական կողմից ժամանակավորապես դադարեցվել էր Սադախլոյի անցակետով տարանցիկ բեռնափոխադրում իրականացնող բեռնատարների մուտքը՝ Վրաստանի տարածքում առկա բեռնատարների մեծ քանակի, ինչպես նաև Վրաստանի իշխանությունների կողմից Մառնեուլիի և Բոլնիսիի շրջաններում մարտի 23-ից մտցված կարանտինային ռեժիմի պատճառով: Արդյունքում Բագրատաշենի անցակետին հարող հատվածում գոյացել էր բեռնատարների մեծ կուտակում։

Մարտի 23-ին, ժամը 17:00-ի դրությամբ Սադախլոյի անցակետով բեռնատարների մուտքը Վրաստանի տարածք բաց է։ Վրաստանի Մառնեուլիի և Բոլնիսիի շրջաններում կարանտինային ռեժիմ մտցնելու պատճառով փակ է դեպի Սադախլոյի անցակետ քաղաքացիների/ ավտոբուսների, միկրոավտոբուսների և մարդատար մեքենաների տեղաշարժը։

Մառնեուլիի շրջանում սահմանված կարանտինային ռեժիմով պայմանավորված՝ Մառնեուլիի մոտակայքում բեռնատարները կախտահանվեն և պարեկային ոստիկանության ուղեկցությամբ, առանց կանգառի, կշարունակեն իրենց ընթացքը (կանգառ կթույլատրվի միայն Մառնեուլիի շրջանից դուրս)։

Վրաստանում ՀՀ դեսպանությունն ակտիվ աշխատանքներ է տանում Վրաստանում գտնվող ՀՀ քաղաքացների՝ Վրաստանից ելքն ապահովելու ուղղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր