Վրաստանում ՀՀ դեսպան Աշոտ Սմբատյանի հանդիպումը Վրաստանի ԱԳ նախարար Իլիա Դարչիաշվիլիի հետ

28 սեպտեմբերի, 2022

Սեպտեմբերի 28-ին Վրաստանում ՀՀ դեսպան Աշոտ Սմբատյանը հանդիպում ունեցավ Վրաստանի արտաքին գործերի նախարար Իլիա Դարչիաշվիլիի հետ։ Վրաստանի ԱԳ նախարարը շնորհավորեց ՀՀ դեսպանին՝ պաշտոնը ստանձնելու կապակցությամբ և մաղթեց արդյունավետ աշխատանք Վրաստանում։

Հանդիպման ընթացքում անդրադարձ կատարվեց երկկողմ և բազմակողմ ձևաչափերով Հայաստանի և Վրաստանի միջև համագործակցությանը, կարևորվեց հայ-վրացական հարաբերությունների բազմաոլորտ օրակարգի շարունակական ընդլայնումը։

Կողմերը մտքեր փոխանակեցին նաև տարածաշրջանում և աշխարհում տեղի ունեցող զարգացումների ու մարտահրավերների վերաբերյալ, այս համատեքստում ընդգծվեց Հայաստանի և Վրաստանի միջև բարձր մակարդակի ակտիվ քաղաքական երկխոսության պահպանման անհրաժեշտությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր