Վրաստանում ՀՀ դեսպանի այցը Վրաստանի Քվեմո Քարթլի մարզ

22 նոյեմբերի, 2022

Նոյեմբերի 22-ին Վրաստանում ՀՀ դեսպան Աշոտ Սմբատյանը Քվեմո Քարթլի կատարած այցի շրջանակներում Ռուսթավիում հանդիպում ունեցավ Քվեմո Քարթլի մարզում Վրաստանի կառավարության ներկայացուցիչ Գիորգի Դոխտուրիշվիլիի հետ։ Հանդիպմանը մասնակցում էր նաև Ռուսթավիի քաղաքապետ Նինո Լացաբիձեն։

Հանդիպման ընթացքում կողմերը մտքեր փոխանակեցին Հայաստանի Հանրապետության Տավուշի մարզի և Վրաստանի Քվեմո Քարթլիի մարզի, ինչպես նաև առանձին քաղաքների միջև գործնական համագործակցության զարգացման հնարավորությունների վերաբերյալ։ Պայմանավորվածություն ձեռք բերվեց այս ուղղությամբ առաջիկայում իրականացվելիք քայլերի շուրջ։

Քվեմո Քարթլի մարզ կատարած այցի շրջանակներում ՀՀ դեսպան Աշոտ Սմբատյանի գլխավորած պատվիրակությունը եղավ Մառնեուլիի շրջանի հայաբնակ Շահումյան, Խոժոռնի, Աղքյորփի գյուղերում, որտեղ հանդիպումներ ունեցավ տեղի և հարակից գյուղերի հայ բնակչության հետ։ Այցի ընթացքում ՀՀ դեսպանին ուղեկցում էր Քվեմո Քարթլիում Վրաստանի կառավարության ներկայացուցչի տեղակալ Կախա Կոբերիձեն։

Դեսպանության պատվիրակությունը այցելեց նշյալ գյուղերի հայկական դպրոցներ, ծանոթացավ գյուղերում իրականացվող ծրագրերին, ինչպես նաև լսեց բնակիչների կողմից բարձրացված հիմնականում կրթական ոլորտին վերաբերող բազմաթիվ հարցերը։

Շահումյան գյուղում ՀՀ դեսպանն այցելեց Սուրբ Աստվածածին եկեղեցի։ Ա.Սմբատյանի գլխավորած պատվիրակությունը Մառնեուլիի սակրեբուլոյի հայազգի պատգամավորների ուղեկցությամբ այցելեց նաև հայտնի տիկնիկագործ Արմեն Հովհաննիսյանին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր