Պաշտոնական ընդունելություն` նվիրված ՀՀ զինված ուժերի կազմավորման 32-րդ տարեդարձին

12 փետրվարի, 2024

Փետրվարի 12-ին Վրաստանում Հայաստանի Հանրապետության դեսպանության կողմից կազմակերպվեց պաշտոնական ընդունելություն` նվիրված ՀՀ զինված ուժերի կազմավորման 32-րդ տարեդարձին։

Միջոցառման հյուրերի թվում էին Վրաստանի պաշտպանության նախարարի տեղակալ Դավիթ Սուջաշվիլին, Վրաստանի պաշտպանական բանակի հրամանատարի տեղակալ, բրիգադի գեներալ Իրակլի Ճիճինաձեն, Վիրահայոց թեմի առաջնորդ Գերաշնորհ Տեր Կիրակոս եպիսկոպոս Դավթյանը, Վրաստանի ՊՆ և այլ նախարարությունների պաշտոնյաներ, պատգամավորներ, Վրաստանում հավատարմագրված դեսպաններ, ռազմական կցորդներ և դիվանագիտական կորպուսի ներկայացուցիչներ, հասարակական գործիչներ, վիրահայ համայնքի ներկայացուցիչներ։

Ելույթներով հանդես եկան Վրաստանում ՀՀ դեսպան Աշոտ Սմբատյանը, Վրաստանում ՀՀ դեսպանության ռազմական կցորդ, գնդապետ Մեսրոպ Նազարյանը, Վրաստանի պաշտպանական ուժերի հրամանատարի տեղակալ, բրիգադի գեներալ Իրակլի Ճիճինաձեն։

Իր խոսքում ՀՀ դեսպանը, շնորհավորելով Բանակի օրվա կապակցությամբ, անդրադարձավ Հայաստանի Հանրապետության զինված ուժերի ձևավորման և զարգացման պատմական ուղուն` կարևորելով դրանց արդիականացման ուղղությամբ իրականացվող քայլերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր