ՀՀ անկախության 34-րդ տարեդարձին նվիրված համերգ

23 սեպտեմբերի, 2025

Սեպտեմբերի 22-ին, Թբիլիսիի Շ․Ռուսթավելիի անվան ազգային թատրոնում կայացավ համերգ՝ նվիրված Հայաստանի Հանրապետության անկախության օրվան։ Վրաստանում ՀՀ դեսպանության և Երևանի քաղաքապետարանի համակազմակերպմամբ անցկացված համերգին հանդես եկավ «Երևան» երիտասարդական նվագախումբը` դիրիժոր Սերգեյ Սմբատյանի գլխավորությամբ և մենակատար՝ շեփորահարուհի Սելինա Օտտի մասնակցությամբ։ Հնչեցին հայ, վրացի և եվրոպացի կոմպոզիտորների ստեղծագործություններ։

Միջոցառմանը ներկա էին Վրաստանի մշակույթի նախարար Թինաթին Ռուխաձեն, Երևանի քաղաքապետ Տիգրան Ավինյանը, Վրաստանի գլխավոր դատախազ Գիորգի Գվարակիձեն, Վրաստանի հաշտեցման և քաղաքացիական իրավահավասարության պետնախարար Թեա Ախվլեդիանին, Թբիլիսիի սակրեբուլոյի նախագահ Զուրաբ Աբաշիձեն, փոխքաղաքապետ Գիորգի Տղեմալաձեն, Վրաստանում հավատարմագրված դեսպաններ, դիվանագետներ, բարձրաստիճան պաշտոնյաներ, վիրահայ համայնքի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր