ՀՀ ԱԺ նախագահը մասնակցել է Էդուարդ Շեւարդնաձեի հուղարկավորությանը

14 հուլիսի, 2014

Հուլիսի 13-ին Հայաստանի Հանրապետության Ազգային ժողովի նախագահ Գալուստ Սահակյանը Թբիլիսիի Սամեբա եկեղեցային համալիրում, ինչպես նաև Կրծանիսիի նախագահական նախկին նստավայրում մասնակցել է Վրաստանի երկրորդ նախագահ և ԽՍՀՄ նախկին արտգործնախարար Էդուարդ Շեւարդնաձեի հոգեհանգստյան կարգին և թաղման արարողությանը: Գալուստ Սահակյանի գլխավորած պատվիրակության կազմում էին ԱԺ պատգամավոր Վարդան Այվազյանը, արդարադատության նախարար, Վրաստանում ՀՀ նախկին դեսպան Հովհաննես Մանուկյանը եւ ԱԺ աշխատակազմի ղեկավար Հրայր Թովմասյանը: Հուղարկավորությանը մասնակցելու համար Վրաստանում էին գտնվում 28 երկրների պաշտոնական պատվիրակություններ:

Հաջորդ օրը ՀՀ Ազգային ժողովի նախագահ Գալուստ Սահակյանը, Վիրահայոց թեմի առաջնորդ Տ. Վազգեն եպիսկոպոս Միրզախանյանի ուղեկցությամբ, այցելել է Թբիլիսիի Սուրբ Էջմիածին եկեղեցի, կից գործող «Հայարտուն» կրթամշակութային և երիտասարդական կենտրոն, ինչպես նաև հայ անվանի և հասարակական գործիչների Թբիլիսիի Խոջիվանքի պանթեոն ու Սուրբ Գևորգ եկեղեցի, որտեղ, մասնավորապես, ծանոթացել է ընթացող վերականգնողական աշխատանքներին: Ազգային ժողովի նախագահը և պատվիրակության անդամները ծաղիկներ են տեղադրել Հայոց Ցեղասպանության զոհերի հիշատակին Սուրբ Էջմիածին եկեղեցու բակում կանգնեցված խաչքարին, ինչպես նաև Խոջիվանքի պանթեոնի տապանաքարերին:

ՀՀ ԱԺ նախագահի գլխավորած պատվիրակությանն ամբողջ այցի ընթացքում ուղեկցել է Վրաստանում ՀՀ դեսպանության ժամանակավոր հավատարմատար Վահագն Աֆյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր