Դեսպան Վարդանյանի հանդիպումը Լատվիայի դեսպան Էլիտա Գավելեի հետ

14 հունվարի, 2015

Ս.թ. հունվարի 14-ին Թբիլիսիում Լատվիայի դեսպանատանը տեղի ունեցավ Վրաստանում ՀՀ արտակարգ և լիազոր դեսպան Յուրի Վարդանյանի հանդիպումը Վրաստանում Լատվիայի արտակարգ և լիազոր դեսպան Էլիտա Գավելեի հետ:

Հանդիպման ընթացքում քննարկվել են Հայաստանի և Լատվիայի, ինչպես նաև Հայաստանի և ԵՄ-ի միջև երկկողմ հարաբերությունների հարցեր և դրանց զարգացման հեռանկարներ:

Հանդիպմանը նաև անդրադարձ կատարվեց Մեծ Եղեռնի 100-ամյա տարելիցի կապակցությամբ ՀՀ կառավարության կողմից կազմակերպվող միջոցառումներին: Մասնավորապես, ՀՀ դեսպանը նշեց, որ Մեծ Եղեռնի տարելիցի հետ կապված միջոցառումներին Հայաստանի նախագահի և Ամենայն Հայոց Կաթողիկոսի անունից հրավիրվում են աշխարհի պետությունների ղեկավարներ, հոգևոր առաջնորդներ, պաշտոնական անձինք, հեղինակավոր մարդիկ:

Զրույցի ընթացքում Էլիտա Գավելեն ընդգծել է, որ բազմիցս եղել է Հայաստանում և ամենաբարեհաճ տպավորություններ ունի երկրի մասին:

Դեսպան Յուրի Վարդանյանն իր հերթին նշել է, որ Հայաստանը մտադիր է հետագայում ևս բարեկամական և գործնական հարաբերություններ պահպանել ինչպես Լատվիայի, այնպես էլ Եվրամիության հետ և ընդգծել է, որ, իր խորին համոզմամբ, 21-րդ դարում պետությունների միջև բոլոր տարաձայնությունները և հակամարտությունները պետք է կարգավորվեն բացառապես քաղաքական ճանապարհով:

Երկու երկրների դեսպանների հանդիպումը անցավ ջերմ և բարեկամական մթնոլորտում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր