Դեսպան Վարդանյանի հանդիպումը Վրաստանի աշխատանքի, առողջապահության և սոցիալական ապահովության նախարարի հետ

20 հունվարի, 2015

Ս.թ. հունվարի 20-ին Վրաստանում ՀՀ արտակարգ և լիազոր դեսպան Յուրի Վարդանյանը հանդիպում ունեցավ Վրաստանի աշխատանքի, առողջապահության և սոցիալական ապահովության նախարար Դավիթ Սերգեենկոյի հետ:

Հանդիպման սկզբում Դավիթ Սերգեենկոն ցավակցություն հայտնեց ՀՀ դեսպանին՝ Գյումրիում հունվարի 12-ին տեղի ունեցած ողբերգական իրադարձության կապակցությամբ:

Դեսպան Վարդանյանը շնորհակալություն հայտնեց վրաց նախարարին վշտակցության համար և նշեց, որ 1988 թվականի աղետալի երկրաշարժից հետո իր հարազատ քաղաքը՝ Գյումրին և ամբողջ Հայաստանը այնպիսի ահավոր ցնցում չէին ապրել, ինչ Ավետիսյանների անմեղ ընտանիքին վիճակված պատուհասի պատճառով:

Անցնելով հանդիպման բուն առարկային, զրուցակիցները քննարկեցին առողջապահության ոլորտում երկու երկրների համատեղ գործունեության և փորձի փոխանակման ծրագրեր, ինչպես նաև ձեռք բերվեց պայմանավորվածություն երկու երկրների առողջապահության գերատեսչությունների ղեկավարների փոխադարձ այցելությունների վերաբերյալ:

Հանդիպումն անցավ ջերմ մթնոլորտում

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր