Ղազարոս Աղայանի ծննդյան 176-րդ տարեդարձին նվիրված միջոցառում Վրաստանի Բոլնիս-Խաչեն գյուղում

13 մայիսի, 2016

Մայիսի 13-ին հայ մեծանուն գրող, մանկավարժ, հրապարակախոս Ղազարոս Աղայանի ծննդյան 176-րդ տարեդարձի կապակցությամբ, վերջինիս ծննդավայր Վրաստանի Բոլնիս-Խաչեն գյուղում անցկացվեց ավանդական հիշատակի միջոցառում, որը կազմակերպվել էր Թբիլիսիում գործող «Վերնատուն» հայ գրողների միության, Վիրահայոց թեմի «Հայարտուն» մշակութային կենտրոնի ու Բոլնիսի վարչակազմի աջակցությամբ:

Միջոցառմանը մասնակցում էին Վրաստանում Հայաստանի Հանրապետության դեսպանության և հայ համայնքային կառույցների ներկայացուցիչներ ու բազմաթիվ վիրահայեր: Ողջույնի խոսքով հանդես եկան դեսպանության երկրորդ քարտուղար Էլինա Մկրտչյանը, Վիրահայոց թեմի Քվեմո Քարթլի տարածաշրջանի հայ համայնքների նորանշանակ հոգևոր հովիվ Տեր Վիրապ քահանա Ղազարյանը, բանաստեղծ-թարգմանիչ Գիվի Շահնազարը, «Վրաստան» թերթի խմբագիր Վան Բայբուրթյանն ու «Կամուրջ» տարեգրքի խմբագիր՝ բանաստեղծ Անահիտ Բոստանջյանը:

Միջոցառումն ամփոփվեց Բոլնիս-Խաչեն գյուղի դպրոցականների և Վիրահայոց թեմի «Հայարտուն» կենտրոնի սաների գրական-երաժշտական ելույթով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր